İtaliya Avropa İttifaqının Xuan Quaydonun tanınması ilə bağlı bəyanatını bloklayıb

  • İtaliya Avropa İttifaqının Xuan Quaydonun tanınması ilə bağlı bəyanatını bloklayıb

İtaliya Avropa İttifaqının (Aİ) Venesuela parlamentinin sədri Xuan Quaydonun ölkənin müvəqqəti prezidenti kimi tanınması ilə bağlı bəyanatını bloklayıb.
 
"Report" xəbər verir ki, bu barədə RİA "Novosti"yə Brüsseldəki diplomatik mənbə bildirib.
 
"İtaliya 31 yanvar - 1 fevral tarixlərində Buxarestdə keçirilən Aİ ölkələrinin xarici işlər nazirlərinin qeyri-rəsmi görüşündə Avropa diplomatiyasının başçısı Federika Mogerininin Aİ-nin X.Quaydonu prezident kimi tanıması barədə səsləndirdiyi bəyanata veto qoyub", - mənbə deyib.
 
Onun sözlərinə görə, bundan sonra Aİ və Uruqvay Venesuela üzrə beynəlxalq kontakt qrupunun ilk nazirlər iclasının anonsunu verib. İclas fevralın 7-də Montevideoda keçiriləcək.
 
Daha əvvəl Avropa Parlamenti Xuan Quaydonu Venesuelanın qanuni müvəqqəti prezidenti kimi tanıyıb və Aİ ölkələrini analoji qərar verməyə çağırıb.
 
Karabakh Today


DİGƏR